Goiburua
“BARRURANTZ HAZTEN”
Barrura begiratu, hazteko
“Espiritualtasuna errealarekiko irekiera sakona da.”
— Pablo d’Ors
Gaur egungo munduak kanpora haztera bultzatzen gaitu: esperientzia gehiago, helburu gehiago, abiadura gehiago. Denak erakustera, betetzera, lortzera gonbidatzen gaitu.
Baina… zer gertatzen da barruan, dena kanpoan gertatzen denean? Zein sustraik eusten digute?
Ikasturte honetan geldialdia proposatzen dugu: barrura begiratzea, isiltasunean eta sakontasunean bizitzaren muina aurkitzea.
Izatearen benetako hazkundea barrutik datorrela sinetsi nahi dugu.
Barne-bidaia
“Barrurantz hazten” lelopean, barne-bidaia bati ekingo diogu: errealitatean sustraitzea, mundutik ihes egin gabe, beraren erdian haztea.
Gure kartelak ederki irudikatzen du:
- bihotz bat, lurrean sustraitzen eta mundutik elikatzen dena;
- ureztagailu bat, hazkundea zaindu behar dela gogorarazten diguna;
- eta kimua, bihotz irekitu eta zainduaren fruitua den bizitza berria.
Zaintzen duen espiritualtasuna
Horixe da ikasturte honetan bizi nahi dugun espiritualtasuna:
munduari irekia, errotua eta arduratsua; harremanetan, topaketan eta konpromisoan gauzatzen den espiritualtasuna.
Samaritano ibilbidearen barruan, ikasten ari gara zaintzea ere espiritualtasunaren ekintza dela.
Lau zaintza nagusi landuko ditugu:
🌿 Pertsona zaindu.
🌿 Bestea zaindu.
🌿 Lurra zaindu.
🌿 Komunitatea zaindu.
Lau bide, bizitza konpasioz eta sakontasunez betetzeko.
Ni-tik gu-ra
Barrurantz haztea da ni-tik gu-ra pasatzea, egozentrismotik topaketara.
Norberaren mugetatik haratago, besteengana irekitzea; “nirea”-tik “gurea”-ra igarotzea.
Horrela aurkitzen dugu benetako maitasuna, zaintza eta fede partekatua.
Sustraiak botatzeko ikasturtea
Pablo d’Orsek dioen bezala, “espiritualtasuna errealarekiko irekiera sakona da”.
Horixe da gonbidapena: bihotza errealitatera irekitzea, gure sustraiak egunerokoan sakontzea eta bertatik bizitza berria ernetzea.
Ongi etorri ikasturte berri honetara.
Ongi etorri barrurantz hazteko bidaiara.