Nork bere buruarekin eta ondokoekin topo egiteko aukera eskainiko digun gunea sortzen dugu barnekotasun-saioetan. Jolastu egiten gara, dantza egiten dugu, mandalak eta bisualizazioak egiten ditugu, arnasketa landu eta baita pentsatu, margotu eta idatzi ere egiten dugu. Bizitza nola doakigun eta norantz goazen partekatzen dugu barnean dugun hoberena ateratzeko, zoriontsuago eta beteago sentitzeko asmotan.
