Maiatzaren 15ean, Familiaren Nazioarteko Eguna ospatzen da. Dakizuen bezala, egun horretan eskolako txikiek opari polit bat prestatu ohi dute ilusio handiz, baina, aurtengo ezhoiko egoera dela-eta, ezinezkoa zaigu egitekoa betiko moduz burutzea.
Hala ere, momentu zailetatik gauza onak ere ateratzen dira, eta etxean igaro ditugun itxialdi egun horietan familiaren garrantzia agerian gelditu da. Inportantzia hori azpimarratzeko, Haur Hezkuntzako irakasleok familiak ematen duen indarra goraipatzea pentsatu dugu jarduera polit baten bitartez.
Mundaiz ikastetxea familia txiki askok osatzen duten familia handi bat da. Horregatik, denon artean zein denon laguntzaz, familia zoragarri horiek biltzen dituen bideo eder bat sortu dugu…
